प्रभुराम शर्मालाई का.मु प्रधानसेनापतिको जिम्मेवारी दिने सरकारको निर्णय

राष्ट्रिय

गृहपृष्ठ
राष्ट्रिय
प्रभुराम शर्मालाई का.मु प्रधानसेनापतिको जिम्मेवारी दिने सरकारको निर्णय

प्रभुराम शर्मालाई का.मु प्रधानसेनापतिको जिम्मेवारी दिने सरकारको निर्णय

2078-04-12 Nagarjun Post

सरकारले प्रभुराम शर्मालाई कायममुकायम प्रधानसेनापतिको जिम्मेवारी दिने निर्णय गरेको छ । मंगलबार बसेको मन्त्रिपरिषद् बैठकले शर्मालाई का.मु प्रधानसेनापतिको जिम्मेवारी दिने निर्णय गरेको हो । शर्माले हाल सेनामा बलाध्यक्ष र बलाधिकृत रथीको जिम्मेवारी सम्हालिरहेका थिए । हालका प्रधानसेनापति पूर्णचन्द्र थापाले २५ भदौबाट अनिवार्य अवकाश पाउँदैछन् ।प्रधानसेनापति पूर्णचन्द्र थापा साउन २५ देखि बिदामा बस्दैछन् । अवकाश प्राप्त हुनु एक महिनाअघि बिदामा बस्ने प्रचलन अनुसार उनी बिदामा बस्न लागेका हुन् । उनी बिदामा बसेपछिका लागि सरकारले शर्मालाई का.मु प्रधानसेनापतिको जिम्मेवारी दिने निर्णय गरेको हो । युद्ध कार्य महानिर्देशकको जिम्मेवारी सफलतापूर्वक पूरा गरेका शर्मा सेनाभित्र ‘मिलनसार अधिकारीको रुपमा चिनिन्छन् । त्रिभुवन विश्वविद्यालयबाट इतिहासमा स्नातकोत्तर गरेका शर्माले भारतबाट नेशनल डिफेन्स कोर्स (एनडीसी) गरेका छन् । भारत र अमेरिकामा उच्चशिक्षा एवं सैन्य कला हासिल गरेका शर्मा सेनाभित्र मिलनसार मात्रै नभई ‘एक्सन म्यान’का रुपमा पनि परिचित छन् ।

प्रकाशित मिति: मंगलबार, साउन १२, २०७८ २१:५१

प्रतिक्रिया दिनुहोस्