काठमाडौं । नागार्जुन नगरपालिकाले आगामी आर्थिक वर्षको नीति, कार्यक्रम र बजेटमा समावेश गर्नुपर्ने विषयमा विभिन्न क्षेत्रका सरोकारवालासँग राय तथा सझुाव सङ्कलन गरेको छ । नगरपालिकाले नगरपालिका क्षेत्रमा पर्ने सङ्घीय तथा प्रदेश सभाका सदस्य, जिल्ला समन्वय समितिका प्रमुख, प्रतिनिधि सभाका उपविजेताहरु र विभिन्न क्षेत्रका बुद्धिजिवीसँग अन्तक्रिर्या गरी पूर्व योजना तर्जुमा गोष्ठि गरेको हो । नगरपालिकाले जेठ ८, ९ र १२ गते गरी विभिन्न क्षेत्रका सरोकारवालासँग अन्तक्रिर्या गरी आगामी आर्थिक वर्ष २०८०/८१ को नीति तथा कार्यक्रम निर्माणका लागि राय तथा सुझाव सङ्कलन गरेको हो ।
कार्यक्रमा नागरिकका चहाना र अपेक्षालाई आधार बनाएर नीति तथा कार्यक्रम बानउनुपर्ने, करदको दर भन्दा पनि दायरा बृद्धि गर्नुपर्ने, शिक्षा, स्वास्थ्य खानेपानी, पर्यटन पूर्वाधार, कृषि लगायतका क्षेत्रलाई प्राथमिकता दिएर नीति तथा कार्यक्रम निर्माण गर्नुपर्ने सुझाव आएका छन् । त्यस्तै नगरपालिकाले नगर शिक्षा योजना बनाएर काम गर्नुपर्ने, नगरपालिकाले घर घरमा पुगेर व्यावसाय दर्ता गराउनुपर्ने, स्थानीय नगरबासीलाई सीपमूलक तालिम प्रदान गरी रोजगार दिने योजना बनाउनुपर्ने, नगरपालिकाको स्थानीय पाठ्यक्रममा स्वरोजगारमूलक विषय समावेश गर्नुपर्ने, ठमेल र बसन्तपुरमा आएका पर्यटकलाई नागार्जुनमा ल्याउने गरी नीति तथा कार्यक्रममा समावेश गर्नुपर्ने सुझाव आएका छन् ।
नागार्जुन नगरपालिका प्रमुख मोहनबहादुर बस्नेतले नगरपालिकाले आगामी आर्थिक वर्ष २०८०–८१ का लागि केही दिनदेखि राय तथा सुझाव सङ्कलन गरी योजना तर्जुमा कार्यक्रम गरिएको बताए । उनले विभिन्न क्षेत्रबाट आएका सुझावलाई आगामी वर्षको नीति तथा कार्यक्रम संभव भएसम्म समावेश गरेर कार्यान्वयन गर्दै जाने भन्दै रचात्मक सुझावका लागि सबैलाई धन्यवाद दिए । उनले भने, ‘नगरपालिका बनाउनैका लागि आफूले निरन्तर सक्रिय भएर लागि रहेको छु ।’
कार्यक्रममा नगरपालिका उपप्रमुख सुशीला अधिकारीले योजना तर्जुमा गोष्ठिमा विभिन्न सुझाव आएको भन्दै आएका सुझावलाई कार्यान्वयन गरिने बताइन् । कार्यक्रममा नगरपालिका प्रमुख प्रशासकीय अधिकृत सुमन अधिकारीले नगरपालिकाको वस्तुस्थिती विवरणको प्रस्तुती गरेका थिए ।अन्तर सरकारी वीत्त व्यवस्थापन ऐन, राष्ट्रिय प्राकृतिक स्रोत तथा वित्त आयोग ऐनमा भएको व्यवस्था अनुसार हरेक स्थानीय तहले आगामी आर्थिक वर्षका लागि चालु आर्थिक वर्षको असार १० गतेभित्र आआफ्नो सभामा नीति, कार्यक्रम र बजेट पेश गुर्नपर्छ ।सोही व्यवस्था अनुसार नागार्जुन नगरपालिकाले पूर्व योजना तर्जुमा गोष्ठि गरेको हो ।
अन्य स्थानीय तह मध्ये नागार्जुन नगरपालिका सुशासन प्रबद्र्धन, सेवा प्रवाह र विकास निर्माण लगायतका कार्यमा अब्बल सावित हुँदै आएको छ । यसको सशक्त उदाहरणका लागि महालेखा परीक्षकको ६० औं प्रतिवेदनमा नागार्जुन नगरपालिका सबै भन्दा कम बेरुजु भएको पालिकाको रुपमा स्थापित भएको छ ।
