बाबु आमा विहीन बालबालिकाले निवेदन दिन नगरपालिकाको आग्रह

स्थानीय गतिविधी

गृहपृष्ठ
स्थानीय गतिविधी
बाबु आमा विहीन बालबालिकाले निवेदन दिन नगरपालिकाको आग्रह

बाबु आमा विहीन बालबालिकाले निवेदन दिन नगरपालिकाको आग्रह

बुधबार, चैत १९, २०८१ Nagarjun Post

बागमती प्रदेश सामाजिक विकास मन्त्रालयको निर्देशन अनुसार नागार्जुन नगरपालिकाले बाबु आमा विहीन बालबालिकाको तथ्याङ्क संकलन गर्न आग्रह गरेको छ । मन्त्रालयको पत्राचार अनुसार बाबु आमा दुवैको मृत्यु भइसकेका, संरक्षकको जिम्मामा रहेका बालबालिकाहरूको विवरण संकलन गरी आवश्यक सेवा तथा संरक्षण सुनिश्चित गर्न निवेदन दिन भनिएको हो ।

491026355_997393502369101_447439634018136312_n-1745058330.jpg
नगरपालिकाले एक सूचना प्रकाशित गर्दै वडा कार्यालयमार्फत निवेदन दर्ता गराइ आवश्यक प्रमाणसहित १५ दिनभित्र नगर कार्यपालिकाको कार्यालयमा बुझाउन आग्रह गरेको छ । निवेदनसाथ पेश गर्नुपर्ने कागजातहरू यसप्रकार छन्ः

१. बाबु आमा दुवैको मृत्यु दर्ता प्रमाणपत्रको प्रतिलिपि
२. १६ वर्ष मुनिको उमेर प्रमाण
३. जन्मदर्ता वा नागरिकताको प्रमाणपत्र प्रतिलिपि
४. बालबालिकाले विद्यालयमा भर्ना भई अध्ययनरत रहेको विवरण खुल्ने प्रमाणपत्र
५. कुनै गैरकानुनी वा आपराधिक क्रियाकलापमा संलग्न नभएको प्रमाण
६. वडा कार्यालयबाट बाबु आमा विहीन बालबालिकाको रूपमा सिफारिस गरिएको प्रमाण
७. संरक्षकको नागरिकताको प्रतिलिपि

नगरपालिकाका प्रमुख प्रशासकीय अधिकृत शिव प्रसाद रिजालले सूचना जारी गर्दै यस्तो विवरण प्राप्त भएमा बालबालिकाको संरक्षण तथा सशक्तिकरणका लागि कार्यक्रम ल्याउन मद्दत पुग्ने विश्वास व्यक्त गर्नुभएको छ ।

प्रकाशित मिति: बुधबार, चैत १९, २०८१ १६:११

प्रतिक्रिया दिनुहोस्