“आयुर्वेद प्राकृतिक तथा मौलिक चिकित्सा उपचार पद्वति हो ! यसको उपयोग गरौँ अनि सधैँ स्वस्थ रहौँ !” भन्ने नाराका साथ नमो क्षेत्रपाल आयुर्वेद हेल्थ होम द्वारा निशुल्क स्वास्थ्य शिविर शनिवार स्वयम्भू स्थित एक पार्टी प्यालेसमा सम्पन्न भयो। बिहान ९ बजे देखि बेलुका ४ बजेसम्म चलेको उक्त निशुल्क स्वास्थ्य शिविरमा आयुर्वेद पद्वतिद्वारा वरिष्ठ चिकित्सकहरुबाट विभिन्न रोगहरुको निःशुल्क स्वास्थ्य जाँच संगै परामर्श सेवा तथा प्याथोलोजी र थेरापीहरुमा विशेष छुट प्रदान गरेको नमो क्षेत्रपाल आयुर्वेद हेल्थ होमका संचालक रविन खत्रीले बताउनुभयो । उक्त शिविरमा स्याम्पल औषधिहरु निःशुल्क बाड्नुका साथै औषधिहरुमा पनि विशेष छुट दिइएको खत्रीले बताउनुभयो ।
उक्त शिविरमा पाइल्स, फिस्टुला, फिसर, कब्जियत, ग्याष्ट्रिक, अल्सर, जन्डीस, पिनास, माइग्रेन (टाउको दुख्ने), बाथ रोग, युरिक एसिड, दम, उच्च रक्तचाप, सुगर (मधुमेह), नशाको समस्या, स्त्रीरोग, महिनावारी समस्या लगायत विभिन्न रोगहरुको वरिष्ठ चिकित्सकहरुबाट निःशुल्क स्वास्थ्य जाँच पनि गरियो।
नमो क्षेत्रपाल हेल्थ होमले विभिन्न समयमा विभिन्न ठाँउहरुमा यस्ता निःशुल्क स्वास्थ्य शिविरहरु गराउँदै आइ रहेको छ जसबाट हजारौँले स्वास्थ्य लाभ पनि प्राप्त गरिसकेका छन् र आगामी दिनमा यस्ता निःशुल्क स्वास्थ्य शिविरहरु दुर्गम गाँउ ठाँउहरुमा पनि लगी सेवा प्रदान गर्ने लक्ष्य रहेको संचालक खत्रीले बताउनुभयो ।
