नागार्जुन न.पा वडा नं ३ ले सुरक्षा भत्ता लिएका १६० जना जेष्ठ नागरिकहरुलाई न्यानो कपडा बितरण गरेको छ,जस अन्तरतगत प्रत्येक जेष्ठ नागरिकलाई डसना,सिरानी र भिभा बितरण गरेको छ । नागार्जुन न पा का मेयर मोहन बहादुर बस्नेत प्रमुख आतिथी रहनु भएको कार्यक्रम वडा नं ३ को आफ्नै भवनमा भएको थियो । कार्यक्रममा बोल्दै मेयर बस्नेतले नगरपालीकाले यस्ता जेष्ठ नागरिक सम्मान कार्यक्रमहरु वडा नं ३ मा मात्रै हैन नागार्जुन न.पा का प्रत्येक १० वटै वडाहरुमा ल्याउने बताउनु भयो । उहाले यो सम्मान कार्यक्रम मात्र हैन जेष्ठ नागरिकहरुलाई स्वास्थ्य चौकीहरुबाट निशुल्क व्लड प्रेशर र सुगरको औषधी वितरण गर्ने कार्यक्रम पनि रहेको बताउनुभयो । उहाँले अहिले समाजमा बाबु आमाको सम्पत्ती खाएर बाबु आमालाई नै दुःख दिने व्यक्त्तिलाई नगरपालिकाले कारवाही गर्ने चेतावनी पनि दिनुभयो ।
त्यस्तै कार्यक्रममा बोल्दै विशेष अतिथी नागार्जुन न.पा की उप-मेयर शुसिला अधिकारीले बुबा आमा भनेका ज्यूदो भगवान हुन् उहाँहरुलाई हेला हैन सम्मान गरौँ,माया गरौँ र यो न्यानो कपडा सबैलाई आवश्यकता नपरे पनि यो राज्यले हामीलाई गरेको सम्मान हो भनेर खुशी हुनुहोस भन्नुभयो ।
त्यस्तै कार्यक्रमका सभाध्यक्ष तथा वडा नं ३ का अध्यक्ष प्रेमलाल श्रेष्ठले हामीलाई संसार देखाउने,आफु खाई नखाई हामीलाई खुवाएर हुर्काउने पूजनिय बुबा आमाहरुलाई सम्मान गर्न पाउनु आफ्नो अहोभाग्य भएको बताउनुभयो । उहाँले वृद्व बुबा आमाहरुलाई पोहोर साल सिरक दिएको, यो पाली डसना दियौ र अर्को साल हजुरहरुलाई के खाचो पर्छ भन्नुस् हामी दिन तयार छौँ भन्नुभयो ।
कार्यक्रममा बोल्दै वडा सदस्य उमेश लामाले जेष्ठ नागरिक बुबा आमालाई डसना, सिरानी र भिभा वितरण गरेको र आगामी वर्षहरुमा पनि यसलाई निरन्तरता दिने बताउनुभयो । उक्त कार्यक्रममा ७० वर्ष नाघेका तथा सुरक्षा भत्ता लिएका जेष्ठ नागरिकहरुलाई डसना, सिरानी र भिभा वितरण गरिएको थियो जसबाट सबै बुबा आमाहरु खुशी हुनुभएको प्रतिक्रिया उहाँहरुले दिनुभयो ।
उक्त जेष्ठ नागरिक सम्मान कार्यक्रममा अतिथीका रुपमा वडा नं ६ का अध्यक्ष राजेन्द्र बुढाथोकी, कार्यपालिका सदस्य गोमा ढुङ्गाना, वडा सदस्यहरु उमेश लामा, किशोर नगरकोटी तथा राधिका दर्नाल र वडा सचिव सिदार्थ श्रेष्ठको पनि उपस्थिति रहेको थियो ।
