नार्गाजुन नगरपालिकाले आ.व २०७७/०७८ को वार्षिक नीति, बजेट तथा कार्यक्रम सार्वजनिक गरेको छ । बुधवार आयोजित चौथो नगरसभामा नगरपालिकाका उपप्रमुख शुशिला अधिकारीले नगरपालिकाको नीति तथा कार्यक्रम सार्वजनिक गर्नुभएको हो । नगरपालिकाका उपप्रमुख शुसीला अधिकारीले प्रस्तुत गर्नुभएको बजेटमा स्वास्थ्य र शिक्षालाई प्राथमिकता दिएको छ । विश्वव्यापीरुपमा फैलिएको कोरोना भाइरसको नियन्त्रणका लागि स्वास्थ्य क्षेत्रलाई प्राथमिकता राखेर बजेट विनियोजन गरेको हो ।नगरपालिकाले सामाजिक विकास, आर्थिक विकास, भौतिक विकास र सुशासन गरि मुख्यत ४ वटा क्षेत्रलाई नीति तथा कार्यक्रममा समेटेको छ । यी ४ वटा क्षेत्रमा पनि शिक्षा, स्वास्थ्य, कृषि, उद्योग, रोजगारी सिर्जना र विकास निर्माण तथा विपद् व्यवस्थापनका गतिविधिलाई प्राथमिकता दिइएको छ ।
नगरपालिकाको नीति तथा कार्यक्रमले समृद्ध नार्गाजुनको आधार, पर्यटन सहितको पूर्वाधार र आवाशिय नगर भन्ने नारा सहित दिर्घकालिन लक्ष्य हासिल गर्न सघाउने नगर प्रमुख मोहन बहादुर बस्नेतले बताउनु भयो ।नगर प्रमुख बस्नेतले नगरको विकास व्यवस्थापन र सेवा प्रवाह लगायतका गतिविधिलाई प्रभावकारी बनाउँदै स्थानीय सरकारको अनुभूती दिलाउन नार्गाजुन नगरपालिका सफल भएको बताउँदै आ.व २०७७/०७८ का लागि नगरपालिकाले तय गरेको नीति तथा कार्यक्रम सफल बनाउन सवै राजनीतिक दल, नागरिक समाज लगयतको साथ र सहयोग आवश्यक रहेको बताउनु भयो ।नगरपालिकाले आफनो आन्तरिक स्रोत र संघिय तथा प्रदेश सरकारबाट प्राप्त हुने बजेटको दायरमा रहेर आ.व २०७७/०७८ का लागि बजेट विनियोजन गरेको जानकारी दिदै नगरप्रमुख बस्नेतले नीति तथा कार्यक्रममा कोभिड १९ को असर न्यूनिकरण गर्न र नगरबासिलाई यसका असरबाट कम भन्दा कम प्रभाव परोस भनेर नगरपालिकाले विभिन्न कार्यक्रम अगाडी सारेको बताउनु भयो ।नगरप्रमुख बस्नेतका अनुसार वडास्तरिय योजनाहरुमा बालबालिका, जेष्ठ नागरिक, युवा र समग्र नगरबासिका लागि शिक्षा, स्वास्थ्य, कृषि, रोजगारी, उद्यम, सामाजिक सुरक्षा लगायतका गतिविधि उच्च प्राथमिकतामा परेका छन । यसका साथै नगरपालिकाले नगरक्षेत्रमा रहेका पर्यटकीय क्षेत्र, धार्मिक तथा सास्कृतिक महत्वका क्षेत्रको संरक्षण, विकास र प्रवद्र्धनका लागि पनि विशेष प्राथमिकताका साथ नीति तथा कार्यक्रममा समेटेको छ ।
कार्यक्रममा बोल्दै प्रमुख आतिथि शहरी विकास राज्यमन्त्री रामविर मानन्धरले स्थानीय तहका जनप्रतिनिधिहरुले ३ वर्षको कार्यकाल सफलता पूर्वक सम्पन्न गरेको बताउँदै यस्तो प्रतिकुल समयमा ल्याइएको नीति तथा कार्यक्रम पनि सफल हुनेमा विश्वास व्यक्त गर्नुभयो ।
नगरपालिकाले वडा स्तरबाटै नागरिकहरुको सहभागितामा योजना र कार्यक्रमको पहिचान, तथा सम्बन्धित वडा समितिको प्राथमिकिकरणमा सिफारिश भएका योजनाहरुलाई नीति तथा कार्यक्रममा समेटेको छ । यसरी नगरस्तरिय गौरवका योजना र कार्यक्रमलाई उच्च प्राथमिकता दिएर यसको सफल कार्यन्वयनका लागि नगर, प्रदेश तथा संघबाट थप स्रोतको व्यवस्थाका लागि पहल गर्ने जनाएको छ ।
नार्गाजुन नगरपालिकाले आर्थिक वर्ष २०७७/०७८ का लागि रु एक अर्ब ५९ करोड २२ लख ७ हजारको बजेट प्रस्तुत गरेको छ । काठमाडौँको उत्तरी क्षेत्रमा रहेको यो नगरपालिकाले आगामी आ.व का लागि उक्त बजेट प्रस्तुत गरेको हो ।कार्यक्रममा शहरी बिकाश राज्य मन्त्रि रामबिर मानन्धर , प्रदेश सांम्सदहरु प्रकाश श्रेष्ठ , केशव पोखरेल लगायतको उपस्थिति रहेको थियो ।
